Eredienste elke Sondag oggend om 09:30 in die
Plimmerton saal,
9 Sunset Parade,
Plimmerton
Baie welkom by die ACK Wellington
ACK Wellington se Kersdiens Vrydag 25 Desember 2020 om 8:00am te Johnsonville Uniting Church, 18 Doctor Taylor Terrace, Johnsonville, Wellington.
Neem asb kennis dat daar nie eredienste sal wees op 27 Dec en 3 Jan nie. Ons sal eredienste weer hervat op 10 Jan 2020.
Ons is baie bly en saam opgewonde oor jou besoek(e)! Ons droom en streef aktief daarna om 'n GROEIENDE GELOOFSFAMILIE TE WEES GEANKER IN GOD-DRIE-ENIG!
Om iewers te behoort is 'n groot voorreg, opdrag en verantwoordelikheid. Jou verbintenis aan God en Sy liggaam op aarde is twee van die belangrikste verbintenisse wat 'n mens kan maak!
In 'n nuwe en vreemde land is daar baie keuses wat gemaak moet word! Om vir die regte geestelike tuiste te kies as plek van ondersteuning, aanbidding, groei, versorging en lering is nie altyd maklik!
Ons wil jou graag ondersteun en biddend begelei in die maak van hierdie belangrike verbintenis!
In ons geloofsfamilie gaan dit eerder oor AKTIEF GEE, as PASSIEF ONTVANG. Ons wil graag eerder inklusief as eksklusief wees en daarom is 'n lewe van dissipelskap en dissipelmaking ons hoogste prioriteit! Saam met jou besef ons hoe kort die lewe en min die tyd is. Daarom bid ons dat jy sal erns maak met jou verhouding met God en met mense.
Ons kerkwees word sterk gekenmerk deur n familie karakter! Ons het n passie vir mense, families en kinders! Jesus se passie was immers mense! Vir mense het Hy gekom en vir mense het Hy gesterf!
Of jy 'n besoeker is en of jy 'n permanente verbintenis tot ons geestelike familie maak - jy is SO welkom hier! Mag Hy jou lei in hierdie verbintenis en jou help om JOU PLEK te ontdek!
Mag die Here jou besoek, verblyf, betrokkenheid en kerkwees in Wellington ryklik seen met al Sy liefde, vrede en nabyheid!
Eredienste elke oggend om 09:30 in die Plimmerton saal, 9 Sunset Parade, Plimmerton